اسرائیلی عوام نے سوشل میڈیا پر نتین یاہو پر کڑی تنقید کرتے ہوئے سوال کیا کہ جنگ سے کیا حاصل ہوا؟
نیتن یاہو نے تنقید کرنے والے اسرائیلیوں پر طنز کرتے ہوئے انہیں محفوظ سرنگوں میں بیٹھنے کا طعنہ دے دیا۔
انہوں نے کہا کہ اسرائیلی عوام نے شیلٹرز اور محفوظ کمروں میں بیٹھ کرثابت قدمی دکھائی۔
اسرائیلی وزیراعظم نے دعویٰ کیا کہ ہم نے مل کر بڑی کامیابیاں حاصل کیں۔
بھارت میں اسرائیل کے سفیر رووین آزر نے کہا ہے کہ اسرائیلی حکومت پاکستان کو قابل اعتماد پلئیر نہیں سمجھتی۔
میڈیا سے گفتگو میں اسرائیلی سفیر نے کہا کہ امریکا نے اپنی وجوہات کی بنا پر فیصلہ کیا ہے کہ وہ پاکستان کی معاونت کی خدمات حاصل کرے۔
ان کا کہنا تھا کہ اسرائیل نے ماضی میں بھی دیکھا ہے کہ امریکا نے کس طرح قطر اور ترکیہ کو حماس سے معاہدے کے لیے استعمال کیا۔
رووین آزر نے کہا کہ اسرائیل کے لیے یہ بات اہم ہے کہ وہ جو نتائج دیکھنا چاہتا ہے اس کے لیے امریکا کے ساتھ ہم آہنگ رہے۔
فرانسیسی صدرایمانوئل میکرون نے کہا ہے کہ لبنان سمیت تمام محاذوں پر جنگ بندی ضروری ہے۔
ایمانوئل میکرون نے ایران اور امریکی صدور سے الگ الگ گفتگو کی، پیرس سے جاری بیان میں میکرون نے ایران امریکا جنگ بندی فیصلہ بہترین قرار دیا۔
فرانسیسی صدر نے جنگ بندی پر مکمل عمل درآمد کی امید ظاہر کی، ان کا کہنا تھا کہ مستقل امن کے لیے جامع مذاکرات کی ضرورت ہے۔
انہوں نے کہا کہ آبنائے ہرمز میں رکاوٹوں کو ختم کرنا ہوگا، فرانس مشرق وسطیٰ میں امن کے لیے کردار ادا کرنے کو تیار ہے۔
فرانسیسی صدر نے قطر، امارات، لبنان اور عراق کی قیادت سے بھی رابطہ کیا، میکرون نے لبنان پر اسرائیلی فضائی حملوں کی شدید مذمت کی۔
Post your comments