بالی ووڈ اداکار شاہ رخ خان کے فلموں میں جنونی عاشق کے منفی کردار ادا کرنے کی وجہ سامنے آگئی۔شاہ رخ خان نے اپنے 30 سال سے بھی زیادہ طویل فلمی کیریئر کے دوران کچھ فلموں میں رومانوی ہیرو کے کرداروں سے بالکل مختلف جنونی عاشق کے منفی کردار بھی ادا کیے۔اس لیے ان کے مداح ہمیشہ سے ہی جاننا چاہتے تھے کہ اداکار نے اپنے کیریئر کے دوران جنونی عاشق کے منفی کردار کیوں ادا کیے؟شاہ رخ خان کو حال ہی میں سوئٹزر لینڈ میں’انٹرنیشنل لوکارنو فلم فیسٹیول‘ میں فلم انڈسٹری میں ان کی خدمات کے لیے ’پاردو ایلا کوریرا آسکونا لوکارنو ٹورازم‘ ایوارڈ سے نوازا گیا۔اُنہوں نے اس فیسٹیول میں اپنی تقریر کے دوران انکشاف کیا کہ میرے کیریئر کے آغاز میں میرے ایک بہت اچھے دوست جو اب بالی ووڈ کے ہدایتکار بھی ہیں، اُنہوں نے مجھے کہا تھا کہ’تمہاری شکل اچھی نہیں ہے اور اسی وجہ سے تمہیں منفی کرداروں کی پیشکش کی جاتی ہے‘۔اداکار نے بتایا کہ میرے دوست نے مجھ سے یہ بھی کہا تھا کہ’تمہارا چہرہ چاکلیٹی ہیرو جیسا نہیں ہے‘۔اُنہوں نے مزاحیہ انداز میں مزید کہا کہ یہ بات سُننے کے بعد میں نے بھی بہت ساری چاکلیٹس کھانا شروع کردیں اور ساتھ ہی فلموں میں خوشی سے منفی کردار بھی کرتا رہا۔شاہ رخ خان نے مزید کہا کہ میں فلموں میں ہر طرح کے کردار ادا کیے ہیں اور مجھے میرے ہر کردار میں دُنیا بھر سے محبت ملی۔
Post your comments