متحدہ عرب امارات (یو اے ای) نے عندیہ دیا ہے کہ وہ غزہ کے لیے مجوزہ بین الاقوامی استحکام فورس کا حصہ نہیں بنے گا۔
سینئر اماراتی اہلکار، صدارتی مشیر انور گرقاش نے اپنے بیان میں کہا کہ متحدہ عرب امارات غزہ اسٹیبلائزیشن فورس میں شامل ہونے کا ارادہ نہیں رکھتا۔انور گرقاش کا کہنا ہے کہ متحدہ عرب امارات کو ابھی تک بین الاقوامی استحکام فورس کے لیے کوئی واضح فریم ورک نظر نہیں آ رہا، ایسے حالات میں متحدہ عرب امارات شاید ایسی فورس میں حصہ نہیں لے گا۔اِن کا کہنا تھا کہ متحدہ عرب امارات غزہ میں پائیدار امن اور سیاسی حل کی حمایت کرتا ہے تاہم کسی بھی فوجی یا سیکیورٹی کارروائی میں شرکت کے لیے واضح اہداف اور فریم ورک کی ضرورت ہوتی ہے۔
Post your comments