Nawaipakistan.com

جنوبی افریقا نے دوسرے ایک روزہ میچ میں کوئنٹن ڈی کوک کی سنچری کی بدولت پاکستان کو یک طرفہ مقابلے کے بعد 8 وکٹوں سے ہرا کر سیریز ایک، ایک سے برابر کردی۔

فیصل آباد کے اقبال کرکٹ اسٹیڈیم میں کھیلے گئے دوسرے میچ میں ٹاس جیت کر پہلے بیٹنگ کرتے ہوئے پاکستان نے 270 رنز کا ہدف دیا جو پروٹیز نے 41ویں اوور کی پہلی گیند پر 2 وکٹوں کے نقصان پر حاصل کرلیا۔کوئنٹن ڈی کوک نے ناقابل شکست 123 رنز بنائے، ان کی اننگز میں 7 چھکے اور 8 چوکے شامل تھے۔ ٹونی ڈی زوری 76 اور لوان۔ڈرے پریٹوریئس 46 رنز کے ساتھ نمایاں بیٹر رہے۔محمد وسیم اور فہیم اشرف نے ایک، ایک وکٹ حاصل کی۔اس سے پہلے بیٹنگ کرتے ہوئے پاکستان نے مقررہ 50 اوورز میں 9 وکٹوں کے نقصان پر 269 رنز بنائے۔پاکستانی بیٹر سلمان آغا، صائم ایوب اور آل راؤنڈر محمد نواز نے عمدہ بیٹنگ کرتے ہوئے نصف سنچریاں اسکور کیں۔ سلمان آغا نے 106 گیندوں پر 5 چوکوں کی مدد سے 69 رنز کی اننگز کھیلی، محمد نواز نے 59 گیندوں 59 رنز بنائے، جس میں 3 چوکے اور 4 چھکے شامل تھے۔ جبکہ صائم ایوب نے 66 گیندوں پر 5 چوکوں اور ایک چھکے کی مدد سے 53 رنز بنائے۔جنوبی افریقا کے ناندرے برگر نے چار اور پیٹر نے تین کھلاڑیوں کو آؤٹ کیا۔دوسرے ون ڈے میچ میں قومی ٹیم میں دو تبدیلیاں کی گئی تھیں، حسن نواز اور ابرار احمد پلیئنگ الیون کا حصہ نہیں تھے۔ فہیم اشرف اور وسیم جونیئر کو شامل کیا گیا جبکہ جنوبی افریقی ٹیم میں بھی 2 تبدیلیاں کی گئیں۔واضح رہے کہ سیریز کے پہلے میچ میں پاکستان نے جنوبی افریقہ کو شکست دی تھی جبکہ سیریز کا فیصلہ کن میچ 8 نومبر کو اقبال اسٹیڈیم میں ہی کھیلا جائے گا