Nawaipakistan.com

ایف بی آر نے انکم ٹیکس جنرل آرڈر کے تحت نان فائلرز کی سمزبلاک کرنے کے عمل کو مرکزی دھارے میں لانے کیلئے مشترکہ ورکنگ گروپ کا نوٹیفکیشن جاری کر دیا۔ جمعہ کو جاری بیان کے مطابق وزیر خزانہ اور ٹیلی کام آپریٹرز کے نمائندوں کے درمیان حالیہ اجلاس کے بعدورکنگ گروپ قائم کر دیا گیا ہے‘گروپ میں ایف بی آر، پی ٹی اے اور ٹیلی کام آپریٹرز کے نمائندے شامل ہیں۔ورکنگ گروپ انکم ٹیکس جنرل آرڈر پر عملدر آمد یقینی بنائے گااورنان فائلرز کی سمز بند کرنے میں حائل رکاوٹیں دور کرے گا۔